Ginklaro sang Department of Health Central Office nga ang duha ka mga napatay sa probinsya sang Siquijor nga gin-report tuga sang glanders disease, indi glanders kundi melioidosis.
Nag gwa sa national report nga ginklaro ni DOH Chief, Ted Herbosa nga indi glanders kundi sandig sa DNA analysis sang bacteria, melioidosis ang gintunaan.
Ginsiling ni Undersecretary Mary Ann Maestral nga maka duha gin-test ang duha ka mga kaso sa Dumaguete. Pero ang genomic sequencing sa Research Institute for Tropical Medicine naga pakita nga ang masakit nila melioidosis.
Ini ang isa ka bacterial infection suno sa US Center for Disease Control nga naga infect sa tawo kag sapat kag masami nga naga lapta paagi sa contact sa contaminated soil, air ukon tubig.
Damlag pa gin-report sang DOH nga ang probinsya sang Siquijor ang may anum ka kumpirmado nga glanders disease.
“Indi siya glanders kundi melioidosis. Lesser evil na siya bilang. Medyo milder siya. Atong duha nga napatay may comorbidities to”, suno kay Maestral.