Department of Health ang nagapahanumdum sa mga persona nga nabakunahan na para sa Covid-19 nga indi magkumpiyansa bangud mahimo sila sa gihapon nga makaangkon sang virus.
Ginpahayag ni Dr. Marie Jocelyn Te sang Department of Health Regional Office 6 nga bisan nga nakatapos na una ukon ikaduha nga dose sang bakuna ang isa ka persona, kinahanglan sila sa gihapon nga magsunod sa minimum health protocols bangud mahimo sila malatnan sang virus.
Ang bakuna ang nagabulig lamang sa isa ka persona nga indi magbatyag sang severe symptoms sang Covid-19 pero mahimo sila sa gihapon malatnan kag makapanglaton sa iban nga tawo.
Base sa record sang DOH, may yara sa gihapon sang pagsaka sang mga kaso sa Western Visayas gani importante nga padayunon man sang pumuluyo ang pagsuksuk sang face mask, face shield kag pagsunod sa physical distancing.
Nagapanugyan man ang doh nga kun mahimo likawan sa gihapon ang mga mass gatherings ukon dalagko nga pagtililipon sang mga tawo sa isa ka lugar.