Department of Health Region 6 ang maga padala sang team sa probinsya agudto magtutok sa naga saka nga kaso sang dengue.
Hwebes sang hapon nagsapol si Governor Eugenio Jose Lacson kag Provincial Health Office kaupod kay Dr Mary Ann Sta. Lucia ang OIC sang Health Support Division sang DOH 6 kag isa sa ila nga gintalakay amo ang pagpatuman sang tikang batuk sa padayon nga naga saka nga kaso sang dengue.
“They’re here to campaign and to do something about the (dengue) situation” suno kay Lacson.
Sa gin-release nga report sang DOH sang July 8, record high ang dengue cases sa Western Visayas nga nagdangat na sa 5,000 mark.
Top 3 ang Negros Occidental kaupod ang Antique kag Iloilo sa may pinaka mataas nga kaso sang dengue. Sa report naman sang PHO, humalin enero tubtob Hulyo 9, 2,036 ang dengue cases kag napulo diri ang patay.
Samtang, ginpatigayon man sa La Carlota city ang simultaneous nga launching sang “Sabayang 4,5,6” kag signing sang pledge of commitment for dengue preparedness and response bilang kabahin sang kampanya kontra dengue.