Pila sa mga systema nga gina patuman sa kapitolyo probinsyal ang gina paabot nga ipatuman man sa siudad sang Bacolod nga naga lakip sang document tracking system kag sa ulihi ang personnel information system.
Ini suno kay Provincial Administrator Rayfrando Diaz nga sa karon naga serbe man nga pro-bono consultant sang siudad.
Prayoridad ni Mayor Albee Benitez suno kay Diaz amo ang pag patuman sang Document Tracking system nga maga pat-od sang status sang mga document paagi lamang sa pag scan sang mga bar code.
Nalakip man sa ipatuman ang kasubong sa capitol cab system kun sa diin sarang makagamit ang mga empleyado sang salakyan sang siudad para sa ila nga official business.
Ipatuman man ang motorpool system kun sa diin sarang ma monitor ang maintenance and repairs nga napasulod na sa management information system.
Sa ulihi suno kay Diaz gina lantaw ang personnel information system nga naga lakip sang mas madasig nga Sistema sa hiring sang job order kag contract of service workers.
Gina lantaw nga ini ang magasabat sang isyu sa ghost employees kasubong man ang pagpanghangkat angut sa mga job order workers.
[sibwp_form id=1]