Wala nag-match ang DNA samples gikan sa tul-an sang tawo nga nasapwan sa Brgy. Alangilan sa Bacolod kag sa DNA samples gikan sa pamilya sang tatlo ka missing nga persona sa Bacolod.
Ini ang ginkumpirma ni Bacolod City Police Office Director Police Colonel Joeresty Coronica.
Bulan sang Enero sang may nakutkutan sa kampo nga mga tul-an sang tawo.
Dako ang pagpati sang pamilya sang tatlo ka persona nga missing nga mga tul-an ini sang ila nga mga himata.
Sanday Lorebelle Antiquera, Joem Villacoger kag Jonel Nangan, sang Brgy. Mansilingan ang missing humalin pa sang nagligad nga tuig.
Gani ginpatigayon ang DNA testing para mahibaluan kun mag-match ang ila nga mga DNA pero nag negatibo ang resulta.