Ang naga-serbe nga division head sang Provincial Social Welfare and Development nga si Richelle Verdeprado – Mangga ang gin-appoint ni Mayor Albee Benitez nga mangin pamuno sang Bacolod – DSSD.
Si Verdeprado – Mangga ang founder sang non government organization nga Sowing Legacy Movement nga nagahatag atensyon sa kaso sang mga streetchildren kag children in conflict with the law ukon CICL.
Ginpahayag niya nga ginakalipay niya ang pag-appoint sa iya sang alkalde pero magahulat siya sang concurrence gikan sa konseho antes pa man masuguran ang pagserbisyo sa siudad.
Tuyo niya man nga matagaan atensyon ang pagpaayo sang payout system sa pagpanagtag sang financial assistance.
Si DSSD OIC Alma Gustilo ang naga abi-abi sa desisyon sang alkalde kag nakahanda siya nga magbalik sa Persons with Disability Affairs Office agud mapasanyog ang pagpalab-ot sang serbisyo sa mga Persons With Disability.