Ang pagkakas sa serbisyo sang apat ka mga empleyado sang Office of the Provincial Agriculturist ang gina lauman nga maga dala sang mensahe sa iban pa gid nga mga empleyado sang gobyerno probinsyal.
Suno kay Provincial Administrator Rayfrando Diaz, gina tinguhaan sang probinsya nga mangin “understanding kag bisan pa gani lenient” pero daw kasubong lamang nga wala may naserbe nga leksyon.
Sa bahin sang gobyerno probinsyal, luyag sini nga malikawan ang mga sitwasyon nga indi na available ang government assets bangud may yara sang naga abuso sini.
Tatlo ka engineer kag isa ka project development assistant ang ginkakas sa serbisyo angut sa misuse of government vehicle.
Hulyo 15 sang nagligad nga tuig, sang sila ang nagtambong sa meeting sa Victorias City. Pero nagdangat na las 8 sang gab-i ang paghulat sang driver sa ila kag natukiban nga yara sila sa ilimnan.
Na forfeit man ang ila nga mga benepisyo.
Sarang sila maka appeal sa Civil Service Commission Region 6 pero ang decision executory pending appeal.
“2-sides of the coin. Kun ikaw man ara sa management, kun ga sige-sige ang amo sin inga abusar, will you not put down your foot to make a statement? ”, suno kay Diaz.
Dugang pa niya, “We’re trying to eliminate situations that government assets are not available because somebody else is misusing it. We try to maximize assets, that assets are available for the use of our employees and for the use of the public. Ang aton nga background sina, indi na siya una”.