Disenyo sang ginligwat nga plano para sa New Burgos Public Market sarang maka-accommodate sang kapin 800 ka mga market vendors. Halin sa P525M nga budget proposal ginpanubo sa masobra P400M ang pondo nga ginaplano gamiton para sa construction sang New burgos Public Market sang Bacolod.
Magapabilin ang pagbutang sang jeepney terminal sa sulod sang merkado nga ginapaabot mangin fully airconditioned, solar-powered kag mas attractive kun tulukon kasubong sang mga disenyo sang mga dalagko nga mall sa siudad.
Ginsiling ni Councilor Celia Flor, pamuno sang Committee on Markets and Slaughterhouse ang plano ang para sa pasilidad ang nagasanto sa hinyo sang mga market vendors.
Ang City Engineer’s Office ang maga-tukod anay sang temporary nga market facility sa kilid sang Hilado kag Ramos street antes suguran ang construction sang bag-o nga merkado.
Sini nga tuig ginapaabot nga suguran ang pagtukod sang infrastructure project nga nalakip sa mga prayoridad sang Benitez administration.