Gina hinyo sang Diocese of Dumaguete ang pag veto sang Presidente sang Negros Island Region Bill.
Sa pag pamuno ni Bishop Julito Cortes, naga panawagan sila kay Presidente Ferdinand Marcos, Jr. sa pag veto sang Senate Bill 2507 nga naga tuga sang NIR bangud sang kakulang sang fair, just and truthful consultation.
Sa isa ka sulat sa presidente nga napetsahan March 25, naga panindugan ang Dumaguete Diocese nga ang tinutuyo sa likod sang amo nga hagna ang tubtob sa karon indi klaro para sa general public.
Para kay Governor Eugenio Jose Lacson, kun may mga pagpamatuk, madamo man sang mga supporter ang NIR nga maga tinguha sa pag kumbinsi sang Presidente nga lagdaan ini.
Na release ang amo nga sulat sa katapo sang media kahapon, Miyerkules. Sa open letter sang Miyerkules ginsiling ni Cortes, nga ila pa ginahulat ang opisyal nga sabat sang presidente. Luyag nila nga mahibaluan sang publiko ang seryoso nga epekto sang hagna sa ila nga kabuhi.
Nakasaad nga ang pagtuga sang NIR ang makapalala sang inequalities bangud ang Negros Oriental ang yara sa disbentaha bangud diutay ang mga distrito sini kag mga siudad kun ipaanggid sa Negros Occidental.
Sang Lunes sang pagbisita sang presidente sa Bacolod iya ginsiling nga iya lagdaan ang NIR Bill para mangin isa na ini ka layi.