Liwat naman nga nag gwa ang Dino vs Dina sa Congressional seat sa Kinto Distrito.
Ginsiling ni 5th District Board Member Anton Occeno nga siya ang maga pa re-elect sa 2025.
Iya ginhimutig ang impormasyon nga may plano siya mag papili sa kongreso sa kinto Distrito.
Tigaylo iya ginsiling nga mahimo may yara sang lain nga maga papili.
Mahimo suno sa iya ini si Dina Arroyo-Tantoco nga anak sang nagtaliwan nga si anay Congressman Iggy Arroyo.
Suno kay Occeno, botante sang Isabela si Arroyo-Tantoco kag ini ang luyag magsaylo sang iya voter’s registration sa La Castellana bangud yara ang hacienda sang iya nga bana sa amo nga banwa.
Suno kay Occeno si Arroyo-Tantoco man lamang ang maka pat-od sang iya sini nga plano sa pulitika bangud ini ang wala man naga himutig kag wala man naga kumpirma kun siya ang maga papili, kag kun mag papili gid man indi mapat-od kun sa sini nga palaabuton nga eleksyon ukon sa 2028 pa.
Pero sa karon, padayon ang pag pakig-angut ni Arroyo-Tantoco kag pag hatag sang bulig sa kinto distrito.
Si Occeno ang isa na diri sa gina pakig-angutan ni Arroyo-Tantoco.
Iya man ginsiling nga gina kabig sang mga Arroyo ang kinto distrito nga daw kasubong nga ila gid distrito.
Samtang, katapo sang Partido Federal ng Pilipinas si Occeno kag wala sang local party affiliation.