Ginplano nga dinakpanay sang mga colorum tricyle ang na-postpone sa Bacolod.
Wala pa sang uniporme kag mga ID ang mga gin-deputize nga personnel nga mangin katapo sang Task Force Kontra Colorum Tricycle.
Gani wala anay gindayon sang siudad ang dinakpanay karon nga adlaw.
Suno kay Councilor Al Victor Espino nga chairman sang Task Force, sa malapit 15,000 nga nagabyahe nga tricycle sa siudad may 10,000 diri ang ginakabig colorum kag kapin 5,000 lamang ang may prangkisa kag naka-apply para sa business permit.
Indi na luyag pa ni Espino nga i-anunsyo ang schedule sang dakpanay pero subong pa lang nagdiutay na suno sa iya ang mga nagabyahe nga tricycle.
May 80 ka mga personnel ang gintalana para sa task force, kalabanan diri katapo sang Bacolod Traffic Authority Office kag mga lideres sang mga tricycle drivers kag operators association nga gin-deputize para manakop sang colorum.