Gikan sa South Cotabato ang bag-o gin-appoint nga OIC Regional Director para sa DILG – NIR. Transition ang gina patuman na sa karon.
Si Lailyn Ortiz ang gin-appoint nga OIC-Regional Director sang Department of the Interior and Local Government.
Suno sa iya sa karon siya pa lamang kag si OIC-Assistant Regional Director nga karon naga pungko man bilang provincial director, Teodora Sumagaysay ang may appointment.
Wala pa sang na designate nga para sa DILG-NIR magluwas sa ila.
Karon padayon pa ang transition tubtob sa matigayon na ang formal nga turn-over gikan sa Region 6 kag 7.
Samtang, ginpatigayon man kaina ang Bagani Awards sang DILG.
Suno kay Ortiz ini may kaangtanan sa ginasaulog nga 33rd anniversary sang Local Government Code.
Ang awarding ang nagakilala ang heroic kag exemplary nga performance suno sa iya.