Gina hulat pa sang Department of the Interior and Local Government – Negros Occidental ang advisory bahin sa announcement ni Sec Jonvic Remulla angut sa pag patuman sang alcohol kag gambling ban kag iban pa.
Suno kay DILG Negros Occidental Director, Teodora Sumagaysay, ang damlag pa gin pang announce ni Sec Remulla nga hugot nila ipatuman, ang may yara na sang existing nga mga ordinances. Ehemplo na diri ang mga curfew for minors. Sa mga natungdan nga ordinansa sang mga LGU nakasaad man kun paano i-implement ini kag sin-o ang maga patuman sini.
Suno kay Sumagaysay nagahulat lang sila sang abiso.
Damlag pa ginsiling ni Remulla nga iga- pilot ang National Capital Region antes anay mag padulong sa mga urban centers ang Safer Cities Initiative. Tuyo sini nga mapa hagan-hagan ang nagakatabo nga krimen sa mga urban areas.
Nalakip man sa Safer Cities Initiative ang videoke sessions nga tubtob lamang sa 10 pm magluwas sa gin tugutan sa mga fiesta kag ang banning sa mga shirtless ukon wala sang t-shirt nga mga pumuluyo sa mga public spaces.
“Looking at the pronouncement of the secretary it seems that other pronouncements that he mentioned is already existing like the curfew for minors and others. I think it only needs implementation, so kinahanglan lang gid strengthened implementation on the part of the different entities”, suno kay Sumagaysay.*
[sibwp_form id=1]