Department of the Interior and Local Government sa karon ang naga monitor na bahin sa pag-operate sang e-sabong kasunod sang mando sang pag pauntat sini.
Suno kay DILG regional director Juan Jovian Ingeniero nakabaton na sila sang verbal instruction bahin sa pag pauntat sang operation.
Pending sang written order, sila ang naga patuman anay sang monitoring.
Iya na nga nahatagan sang instruction ang mga provincial directors agudto mapahibalo ang mga local chief executives nga sila ang naga monitor na. Suno kay ingeniero, ang pag pauntat sang e-sabong indi dali dali nga desisyon.
Isa ka survey ang ginsakdag suno kay ingeniero sa mga natungdan kasubong sang mga naga obra diri bisan pa sa mga naga taya diri, kag ang naga gwa nga indi sila luyag nga mag padayon pa ang e-sabong.
Ginbaton sang presidente ang nangin rekomendasyon sang DILG. Suno kay Ingeniero, sa halos kada probinsya may yara sang mga e-sabong operation.