Department of the Interior ang Local Government nagpanugyan sa mga elected SK official nga naga-trabaho pa sa government office nga mag-resign antes pa man mag-assume sa pwesto ukon manabat sa posible election offense.
Ginsuguran na kaina sang DILG ang mandatory training para sa mga elected Sangguniang Kabataan officials sa Bacolod.
Suno kay Bacolod-DILG head Ma. Joy Maredith Madayag, indi makapungko sa serbisyo ang mga SK kun wala ang pre-requisite training.
Gindugang man ni Madayag nga kun may yara pa sang mga nagdalaug nga SK officials nga naga serbe pa sa mga government offices, sila ang dapat mag resign kay indi sila pwede maka-assume kag posible man sila magapangatubang sang election offense.
Ini matapos nakalab-ot man sa igtalupangud sang DILG nga may elected SK kagawad sa siudad nga nagatrabaho pa sa local government unit. Ang mga elected SK officials ang natalana man maga-upod sa mass oath-taking sang mga elected barangay officials nga pangunahan ni Mayor Albee Benitez kag mga city officials sa SMX convention center.