Department of the Interior and Local Government – Negros Occidental ang wala pa makabaton sang opisyal nga report angut sa sunod sunod nga absences sang isa ka konsehal sa La Castellana.
Pero pagpangusisa angut diri ang mahimo na pagkatapos na sang election ban.
Suno kay DILG Provincial Director Teodora Sumagaysay, wala pa sila sang may nabaton nga report. Pero base sa Local Government Code ang apat kag sunod-sunod nga absences sa session nga wala na aprobahan ang subject sa disciplinary action. Pwede ini mangin grounds para sa suspension ukon removal sang natungdan nga opisyal.
“Four consecutive absences without approved leave, can be a ground for an administrative case”, suno kay Sumagaysay.
Gin-forward na ni La Castellana Mayor Rhummyla Nicor – Mangilimutan ang report sang Sangguniang Bayan angut sa anum na ka absences sa session ni Councilor Donato “Natnat” Dumaguit sa Provincial Legal Office.
Suno kay Atty Alberto Nellas, Jr., sila ang maga pa gwa sang legal opinion bahin diri. Suno kay Sumagaysay pwede mapa dangat ang reklamo sa Sangguniang Panlalawigan ukon sa Office of the Ombudsman. Mismo ang SB sang La Castellana may yara man sang internal rules of procedure nga pwede masunod. Klaro ni Sumagaysay ang investigation sang DILG sarang mapatuman sa tion nga matapos na ang election banning period.
“But now since may election ban kita wala ta sang investigation as well as preventive suspension because of election ban. Depende naman ina sa Sangguniang Bayan sang La Castellana. They also have their own internal rules of procedure”, suno kay Sumagaysay.
Si Dumaguit ang ginreklamo sang large scale estafa angut sa gina alegar kahilabtanan sa police recruitment scam.