Validation sang Department of Interior and Local Government sa road clearing operations nga ginhimo sa siudad sang Bacolod ang nagsugod na.
Naglibot sa siudad ang mga katapo sang DILG para lantawon ang ginhimo nga pagpanghawan sang kilid sang dalan sa nagkalain-lain nga mga barangay.
Makit-an nga wala na sang naga park nga mga salakyan sa kilid sang dalan kag ginpangkuha naman ang mga illegal structures sa dalan nga makabig nga public nuisance.
Magapadyon ang validation sang DILG tubtub sa Marso dos.
Ang regional office sang DILG ang magapatigayon man sang ila kaugalingon nga validation para masiguro nga naga santo ang accomplishment report nga ginhatag sa ila sang mga barangay kag ang aktwal nga ginhimo nga pagpanghawan sa tagsa nila ka mga lugar.
Ginpahayag naman sang pamuno sang Bacolod Traffic Management Office nga si Police Lt. Col. Luisito Acebuche nga madugay na nila nga ginadumilian ang pag parking sang mga salakyan sa mga intersection kag mga mayor nga dalanon sa siudad.