Mga 50 por siento pa lamang sa mga nagdaog nga barangay officials ang tigayon naka pungko suno sa Deparment of the Interior and local Government. Samtang, bwas naman patigayunon ang piniliay para sa SK Federation sa tagsa ka banwa kag siudad.
Suno kay DILG Provincial Director, Teodora Sumagaysay, base sa DILG guideline, indi na mag lapaw pa sa Nobyembre 14 ang SK Federation Election.
Paagi sa secret balloting ang piniliay kag patigayunon sang mga SK Chairmen sa isa ka public place.
Ang maga daog ang maga serbe nga ex-officio member sang sangguniang panlungsod ukon bayan. Indi naman mag lapaw pa sa Nobyembre 29 ang Provincial Federation Election.
Samtang, suno sa DILG isa sa mga ginalantaw rason kun ngaa naga kadugayan pa ang pag pungko sang mga bag-o nga elected barangay official amo ang kapaslawan pa sa pag patuman sang turn-over sa tunga sang incoming kag outgoing officials.
Tatlo ka semana humalin sang ginpatigayon ang piniliay suno sa DILG dapat tigayon na makapungko ang tanan na nagdalaog.
Gina hulat pa sa karon sang DILG ang guidelines naman para sa Liga nga Barangay Election.
“On the part of the barangay may ara ginatagaan sila sang three weeks after election nga maka assume na sila dapat. Our election was October 30, three weeks after sang ila proclamation dapat naka pungko na sila”, suno kay Sumagaysay.