Target sang Department of Information Communication Technology nga malab-ot ang 2.5M nga employment sa mga IT-BPM sa masunod nga tinuig.
Gani sa pagbukas sang Digital Career Expo sa Victorias City ginhaylo man ni DICT Undersecretary Jocelle Batapa-Sigue ang masobra isa ka libo nga mga estudyante nga nagtambong sa seminar nga mangin kabahin sang IT industry.
Suportado nanday 3rd District Representative Francisco Benitez kag Victorias City Mayor Javi Benitez ang ginhiwat nga comprehensive digital showcase sa pagpati nga dako ang mabulig sang digital economy ilabi na sa bahin sang pagpasanyog sang government services kag paghatag opportunidad sa trabaho.
Nakigbahin sa kahiwatan ang pila ka mga opisyal kag tiglawas halin sa IT-BPM, digital creatives kag healthcare information management.
May 25 tanan ka mga exhibitors ang nagbuylog sa Digital Career Expo.