Shadow

Diesel mas mahal na naman sang sa gasolina

YouTube player

Naga average sa subong sa stentay kwatro pesos ang kada litro sang diesel pero sa bwas posible na ini nga maglab-ot sa otsenta pesos.

Ang gasolina naman nga naga average sa stentay sais pesos kada litro ang maga lab-ot na sa stentay otso pesos

Sa advisory sang dalagko nga mga oil companies, magalambot sa P6.30 tubtob P6.60 ang saka sa diesel kag P2.50 tubtob P2.80 ang saka sa kada litro sang gasolina.

May tatlo ka mga nagapanguna nga rasun ang naga-apekto sa liwat nga pagsaka sa presyo sang gatong sa Pilipinas sa bwas.

Suno kay Director Rino Abad sang Oil Industry Management Bureau sang Department of Energy, ini amo ang pagsaka sa demand sang northern hemisphere countries bangud sang summer peak period nga nagsugod sa bulan sang Hunyo tubtob Setyembre.

Naka-apekto man sa pagsaka sang gatong ang pag-ban sang European Union sang Russian oil imports.

Dugang pa ni Abad, naka-apekto man ang pagpahalog sang lockdown sa China bangud nga ginalauman ang pagsaka sang oil demand.

Bwas las sais sang aga ipatuman ang bag-o nga mga presyo.

Secured By miniOrangeSecured By miniOrange