Shadow

Diesel kag gasolina ginapaabot nga magasobra sa stenta pesos ang litro sa super big time oil price hike

Las onse sang aga amo na sini ang sitwasyon san sini nga gas station sa may Bacolod east, may amat amat na nga pilahay.

Suno sa mga pumpboy mga pasado las nuebe may pagdamo na sa mga naga pa tughong.

Truck, motor, tricycle kag private vehicles naga pila.

Isa sa mga naga patughong si Ramon Singson. May mga karga siya nga container sa likod sang iya nga pick up. Ginpang puno niya naman ini para sa ila nga mga traktora. Pang isa ka semana nga konsumo.

Gina paabot nga halos magpalarehos na ang bilis ang diesel kag gas.

Ang gasolina sa subong yara sa stentay singko pesos kag madugangan pa gid ini sang sais tubtob siyete pesos gani mangin stentay dos pesos.

Onse tubtob dose pesos ang isaka sa kada litro sang diesel. Malab-ot na sa stenta dos pesos ang litro sini.

Ang mga depasahero nga salakyan ang matam-an sa sini nga big time oil price hike.

Si Celso Lima nagpuluti na ang buhok sa pag drive sang depasahero nga jeep. Subong lang siya naka eksperyensya sang amo sini nga saka sa bili sang krudo.

Saka man sa plete ang iya nakita nga rason para indi matam-an.

Sa kerosene may masobra man sa nuebe pesos nga saka sa kada litro. Ipatuman ini las sais bwas aga.

Suno sa Department of Energy, ang ginamo sa Ukaraine sa isa sa mga mayor nga rason sa saka sa bilis ang petroleum products. Subong sa gab-i gina paabot ang mas malawig pa gid nga pilahay sa mga gas stations.

Secured By miniOrangeSecured By miniOrange