Bisan pa nga naghalog na ang Covid protocols, padayon nga mabinantayon ang probinsya. Ang publiko gina-abisuhan nga personal nga mangin vigilant.
Damlag pa nag pahayag ang Department of Health nga gina paabot ang pagsaka sang kaso sang Covid-19 matapos ang holidays.
Suno kay Provincial Administrator Rayfrando Diaz, padayon nga mabinantayon ang probinsya. Halos tanan gani sa gihapon ang naga gamit sang face mask.
Ang molecular laboratory sang Teresita Lopez Jalandoni Provincial Hospital padayon ang operation kag sarang ini sa gihapon nga maka process sang 1000 ka tests sa isa ka adlaw.
Wala naman gina patuman ang testing sa mga ports kag seaports bisan pa ang pag pangita sang vaccination cards sa mga naga abot sa airport kag puerto para magsanto sa national nga protocol, ang panawagan sang probinsya amo nga mangin vigilant ang tagsa-tagsa.
Sa January 5 nga report sang Provincial Incident Management Team, 12 ang new cases, isa ang gin report Covid death kag 172 ang total Active covid cases.