Gina paabot nga sa masunod nga semana mahimo ipatuman na ang MAB Cab ukon ang Mayor Albee Benitez Cab sa siudad sang Bacolod. Ini suno kay Atty Rayfrando Diaz, nga damlag pa nag serbe nga consultant for administrative matters and system review sang siudad sang Bacolod.
Suno kay Diaz naobrahan na nila sang dashboard para sa amo nga sistema. Ang tanan nga detalye sa salakyan nga naga lakip sang registration ang tigayon na nga na encode kag handa na nga iga upload.
Ang gina planuhan na lamang amo nga kun san-o ini mapatuman kag mahimo nga tigayon ini ma lunsar sa madason nga semana. Si City Administrator Pacifico Maghari, III kag Executiva Assistant nga si Mae Cuaycong ang maga pamuno sini.
Ang MAB Cab ang na pattern sa application nga gindisenyo sang Kapitolyo Probinsyal para sa Capitol Cab Service nga isa ka digital booking application, kun sa diin ang mga travel requirements sang mga empleyado para sa official business ang sarang nga mapatuhoy.