Indi magpatuman sang skeletal force ang probinsya sang Negros Occidental.
Ini suno kay Provincial Administrator Rayfrando Diaz nga nagsiling nga padayon nga yara sa full force ang Kapitolyo
Probinsyal ilakip na ang serbisyo nga ginahatag sini.
Sa executive order nga ginpa gwa ni Bacolod Mayor Evelio Leonardia sini lamang nag panawagan ang alkalde sang pagpatuman sang 30 percent workforce sa mga ulubrahan pribado man ukon sa gobyerno kasunod sang pagsaka sang COVID-19 cases sa Bacolod.
Suno kay Diaz, plastado ang protocol sang probinsya kag yara sa maayo nga kahimtangan ang ikaayong lawas sang mga empleyado magluwas na lamang sang pila ka mga nag positibo sa virus nga naga lakip sang anum ka mga duktor sang Teresita L. Jalandoni Provincial Hospital, isa ka senior medtech sang molecular lab kag isa ka swabber sang Provincial Health Office.
Samtang, 488 as of April 5 ang active COVID-19 cases sa Negros Occidental.
42 ang yara karon sa Mambucal Resort nga naga lakip sang mga pamilya sang nagpositibo kag referral sang iban nga LGU.
May apat sa Cadiz Healing Center kag 13 naman sa silay healing center ang iban yara na sa tagsa ka quarantine facility sang LGU.