Mas luyag sang probinsya ang pagpatuman sang libre nga RT-PCR test ukon Rapid Antigen Test sa pag-abot sang mga pasahero gikan sa Manila.
Ini suno kay provincial administrator Rayfrando Diaz ang mangin suggestion sang Negros Occidental sa panawagan sang Bacolod nga pag harmonize kuntani sang travel guidelines sang Bacolod kag Negros Occidental sa mga maga gikan sa Manila.
Mangin libre man sa mga pasahero ang test, pero dapat maga amot sa gasto ang Bacolod suno kay Diaz.
Masobra sa 3,500 pesos ang RT PCR test. 1,500 ang kuntani iga-share sang Bacolod. Ang iban nga LGU sa probinsya ang naga amot para diri suno kay Diaz.
Pwede man rapid antigen test ang ipatuman nga mas barato. Nagsulat si Bacolod Mayor Evelio Leonardia kay Governor Eugenio Jose Lacson para kuntani talakayon ang pag harmonize sang travel guidelines kasunod sang mga panawagan kag bisan pa reklamo sang mga naga pinauli nga pasahero, karon nga may kabudlayan sa pagkuha sang RT PCR test, nga requirement sa padulong sa Bacolod kag Negros Occidental, lakip na ang gasto angut diri.
Suno kay Diaz ang ginaduso sang Bacolod nga Rapid Antigen Test na lamang tigaylo sang RT PCR test, ang mabudlay labi na nga indi man ini ma document. Dugang pa niya, pila na man lang ka adlaw kag mag Pebrero na, kag basi mahimo nga may paghalog naman sa travel requirements.