Nagapadayon karon ang detailed engineering design para sa Guimaras – Negros Bridge.
Ini suno kay Engr Sanny Boy Oropel, ang Regional Director sang Department of Public Works and Highways Western Visayas nga nagsiling man nga ang detailed engineering design para sa Panay Guimaras Bridge naman ukon sa section A sang project ang gina paabot mahuman kag ma submit para sa approval sang National Economic Development Authority sa December 2024.
Suno kay Oropel kun matigayon ang approval, para sa Panay Guimaras bridge ukon sa section A sang project ang procurement para sa civil works ang maga sugod kag ang civil work activity gina lauman nga maga umpisa naman sa second semester sang 2025.
Kun mangin tayuyon, ang section A sang project gina paabot mahuman sa June 2028.
Ang detailed engineering design sang section B naman sang project gina lauman mahuman sa December 2025 kag kun ma aprobahan gina lauman maga sugod sa December 2026 ang civil work activity.
13 kilometers ang Panay Guimaras Bridge kag 19 kilometers naman ang Guimaras Negros Bridge.
187.534 billion pesos ang kabilugan nga 32 kilometer Panay Guimaras Negros Bridge.
Isa sa pag panghangkat karon amo sa bahin sang geo technical na aspeto tuga sang soil classification.
“Damo da sang challenges nga na encounter sang consultant. Number one ang depth sang geotechnical nga nag increase almost by 200 percent from a design depth daw 95, subong nag 175 tungod sang soil classification sa dalom. But definitely it will be completed for submission and for approval sang NEDA by December 2024”, suno kay Oropel.