Department of Education – Negros Island Region ang nagapasiguro nga ang safety sang mga learners ukon estudyante ang nagapanguna sa ila nga katungdanan.
Kasunod sang school shooting incident nga nagluntad sa Tacloban kun sa diin tatlo ka menor de edad ang napatay kag 15 ang nasamaran, mga eskwelahan sa NIR ang nagpabakasgod man sang ila nga mga tikang para sa safe school.
Sa Negros Oriental High School, gina patuman ang bag inspection sa main nga entrance sang eskwelahan.
Suno kay Almyr Caezar Dequiña, spokesperson sang DepEd NIR, ang pag patuman sang bag inspection yara na sa tagsa ka pamuno sang eskwelahan, kaangay sang kun kada san-o ini ipatuman. Gina sunod diri ang no contact policy kag kun may yara sang gina siling suspicion may naga kaigo nga protocol nga gina gamit diri.
Sa Bacolod City ang PNP, may foot patrolling man nga gina patigayon sa mga eskwelahan. Tuyo man sini nga pabaskugon ang police presence sa area para malikawan ang pagluntad sang ano man nga krimen.
Suno kay Dequiña gin-sulit na nila ang DepEd Order 6 sa mga eskwelahan ukon ang “ensuring a safe and motivating learning environment”.
Nalakip diri ang visitor management, bag inspection, pag identify sang mga prohibited items, CCTV and security systems, child protection and positive discipline, responsible use of devices kag mag report, pag refer kag pag respond sa mga insidente.
“Nalakip diri several items, say for example ang pagpatuman sang learner handbook. Ang policies and guidelines naton para sa aton mga kabataan. Nalakip man diri ang aton bag inspection guidelines naton parte dira, to highlight this one with regards bag inspection we do this in such a way that it is not prejudicial sa aton mga kabataan. We follow the no contact policy”, suno kay Dequiña.
[sibwp_form id=1]