Masobra sa 6,000 ka mga classrooms ang kulang sa mga pampubliko nga eskwelahan sa idalom sang Negros Island. Region.
Ini base sa datus nga gin-release sang Department of Education NIR para sa school year 2025 – 2026.
Suno kay Almyr Caezar Dequiña ang spokesperson, 6,298 ang kakulang sa classrooms. Ang kasubong nga mga pag panghangkat ang indi na bag-o sa Deped.
May kakulang man, ini sa gihapon ang ma solusyuhan paagi sa ayhan pag convert sang iban nga mga rooms bilang classrooms, pag buhat sang make shift classrooms ukon pag patuman sang shifting sa mga klase.
Samtang, nagdangat naman sa 877 ang kakulang sa mga manunudlo para sa sini nga school year. Kun ipaangid sa iban nga rehiyon suno kay Dequiña mas magamay na lamang ang ini nga kakulang. Gina fast track man nila ang hiring.
Nagdangat na sa 88.02 percent sa target ang kadamuon sang enrollees.
Nagakasayuran nga as of June 23, may 1,295,463 na ka mga estudyante ang na enrol sa idalom sang K-12 program sang DepEd sa NIR. Masobra sa 1.3 million ang projected learners para sa sini nga school year.
Suno kay Dequiña positibo sila nga malambot ini kag tubtob pa man sa June 30 ang enrolment.
“Ang aton gid mga school heads, teachers, stakeholders, they’re finding a way inorder to address this supposed lack of classrooms. For example maximizing other spaces, converting other available spaces to classrooms. Mga amo sina. Or pwede man kita maka go with a shifting schedule para ma address ang kakulangan sang classrooms. We’re doing everthing that we can inorder to address the problem until such a time physically ma meet gid naton ang needs naton in terms sa classrooms”, suno kay Dequiña.