Handa na ang tanan sa pagbukas sang klase sa Lunes. Ini ang pasalig sang Department Of Education Negros Occidental Division ugaling, manubo ang enrollment turn-out kun ipaanggid sa nagligad nga school year.
May 353,000 ka estudyante gikan sa kindergarten tubtob sa senior high school ang Negros Occidental Division.
Sang school year 2020-2021. Ugaling, suno kay Ian Arnold Arnaez ang PIO sang DepEd Negros Occidental Division, 60 percent pa lamang ang naka enrol. Paathag niiya, tuga ini sang kinagawian nga sa last day sang enrolment ukon sa first week na sang pagsugod sang klase kag amo pa nga mag pa enrol.
Matuod nga ginapatuman ang pag carry over sang mga estudyante nga naga eskwela sa masunod naman nga school year, pero suno kay Arnaez dapat nga mag comply anay ang mga ginikanan sang learners enrolment survey forms nga makuha sa mga eskwelahan ukon sa mga barangay sa mga eskwelahan nga malagyo na, agudto ma kumpirma ang enrolment sang mga estudyante sa bag-o nga school year.
Ginapahanda man ang mga manunudlo sa posible face to face, pero sa karon, wala ini ginatugutan.
Ang presidente ang may final decision tuhoy diri. Nagapabilin naman ang pag gamit sang printed module nga naga panguna sa preference sang mga ginikanan kag estudyante sa mode of learning.
Samtang, sa Bacolod City, 75 percent naman ang naka enrol sa mga kabataan.
“For one ang kultura sang mga parents, maski sang face to face pa. Nga, they usually wait for the last
day or even after the last day pa sang enrollment saka sila mag pa enroll. Ang ika duha sina da, nga may assumption sila nga once ma enroll ang ila bata, automatically enrolled na. However ang kinahanglanon nila is to confirm sang enrollment sang bata,”suno kay Arnaez.