Friday, November 20

Dengue-related deaths sa probinsya nagdangat sa 31

Nag dangat sa 31 ang dengue related deaths nga gin-report sa probinsya sang Negros Occidental.

Ini base sa datus sang Provincial Health Office humalin January 4, tubtob November 14, 2026.

May 5,444 ka dengue cases sa amo nga period kag kun ipaanggid sa kasubong nga tion sang 2025, mataas sa 3.03 percent ang dengue cases subong nga tuig.

Ang siudad sang La Carlota ang may pinaka madamo nga dengue cases nga gin-report – 849 cases nga may 2 ka dengue related deaths.

Kag naga sunod ang Silay City nga may 524 cases kag may 2 dengue related deaths man.

Ikatlo ang Bago City nga may 513 dengue cases kag 5 ka dengue related deaths.

Samtang, ang Cadiz City naman ang may pinaka madamo nga dengue related deaths nga na report – 7.

Sa datus sang PHO pinaka madamo nga na apektuhan sang dengue ang yara sa 1 to 10 year old nga age group.

Padayon ang panawagan sang health authorities sa matinlo nga palibot para malikawan ang balatian nga dala sang lamok.

Kun naga hilanat kag nakitaan pa gid sang iban nga sintoma kaangay sang rashes, pag palanakit sang lawas, mas maayo nga mag pakig kita sa duktor ukon mag bisita sa pinaka malapit nga health center.

[sibwp_form id=1]
Secured By miniOrangeSecured By miniOrange