Mga tiglawas sang Department of Health ang maga bisita sa mga napahamtang nga dengue fast lanes.
Suno kay DOH Undersecretary Mary Ann Maestral, ang katapo sang Executive Committee ang ginmanduan ni Sec Teodoro Herbosa nga bisitahon ang mga dengue fast lanes.
Damlag pa suno kay Maestral siya ang nag pa gwa na sang memorandum nga naga mando sang pag bukas sang dengue fast lanes.
Sa bilog nga pungsod sa una nga duha kabulan namutikan na ang pagsaka sang kaso sang dengue.
Sa ila nga datus may 52,008 ka dengue cases ang na record sa una nga walo ka semana.
Ginsiling man ni Maestral nga sa mga dengue cases indi man ang hemorrhagic type ang naga panguna.
Base sa dengue cycle ila na nga gina paabot ang pagsaka sang dengue cases subong nga tuig, rason nga sila ang temprano pa naka procure na sang dengue commodities kaangay sang NS1 tests para sa dengue kag larvicide kag bisan pa insecticide treated screens.
Ini ang natalana na iga deliver.
Namutikan man ang madasig nga pagsaka sang dengue cases sa Negros Occidental kag Iloilo pero suno kay Maestral indi ini kasubong sa mga kaso sa Metro Manila, Calabarzon kag Region 3.
“Kita ta naman nagsaka sang January pa lang umpisa na. So actually na forecast namon last year that’s why na ka procure na kami early for 2025 sang dengue commodities. Last week na deliver na, gina inspect subong and it’s going to be delivered before matapos ang Marso”, suno kay Maestral.