Dengue deaths sa Negros Occidental ang nagsaka sa sa 12. Pero kadamuon sang dengue cases ang nagnubo sa 9.49 percent.
Ini base sa datus sang Provincial Health Office as of October 18, 2025, humalin sang bulan sang Enero.
Sa mga banwa kag siudad nga nalakip sa top ten nga may madamo nga kaso sang dengue, ang banwa sang Isabela ang may pinaka madamo nga dengue deaths nga na-record – tatlo.
May tig-isa ka dengue death ang na-record gikan sa Bago City, San Carlos City, Silay City kag Hinigaran.
Naga pabilin ang siudad sang Bago City nga may pinaka madamo nga dengue cases nga na-record 1,117 cases.
Nagasunod sang La Carlota City nga may 460 cases kag Kabankalan City nga may 455 dengue cases.
As of October 18, may 5,033 ka dengue cases nga na record.
Kun ipaanggid naman sa kasubong nga tion sang 2024, mas manubo ang dengue cases subong nga tuig.
Sang nagligad nga tuig sa amo nga period may 5,561 dengue cases.