Sa morbidity week 29 ukon humalin July 13-19 may siyam ka mga bag-o nga kaso sang dengue nga na record ang City Health Office sang Bacolod.
May duha naman ka mga probable deaths bangud sang balatian.
Gani nagdangat na karon sa 592 ang kaso sang Dengue sa Bacolod humalin sang Enero.
Mas mataas ini sang 93.5% kun ikumpara sa amo man nga period last year.
Nagapanguna ang Barangay Mansilingan nga may pinakadamo nga kaso nga may 59.
Ginasundan ini sang Barangay Taculing nga may 44 ka kaso; Estefania 43; Tangub 40; Villamonte 32; Alijis 31; Vista Alegre 29; Sum-ag kag Mandalagan nga tag-27, kag Barangay 1 kag Handumanan nga tig-26 ka kaso.
Mga kabataan nga babaye nga nagapang-edaron isa tubtob napulo ka tuig ang pinakadamo nga kaso nga na-record nga naglab-ot sa 130 samtang sa mga kabataan naman nga lalaki nga naga edad 1-10 ang may 101 ka kaso.
