Gobernador ang nagapanawagan sa mga barangay officials nga i-discourage ang mga pamatan-on sa pagpangdakop sang damang labi na sa paniempo karon kag sa tunga man sang nagasaka nga kaso sang dengue.
Suno kay Governor Eugenio Jose Lacson, mahimo nga magdumdom ang kadam-an nga isa ka magamay nga bagay lamang ini, pero, dapat mahangpan sang tanan nga ang mga damang kabahin sa mga natural deterrent sa lamok.
Sa report sang Deparment of Health – Western Visayas, 10,188 ang na report nga kaso sang dengue as humalin Enero tubtob August 3.
114 percent nga mas mataas ini kun ipaanggid sa kasubong nga tion sang 2023.
Nagapanguna ang probinsya sang Iloilo nga may yara sang 3,914 ka kaso kag naga sunod ang Negros Occidental nga may 1,584 cases.
Parehos sila nga may anum ka dengue related deaths nga na report.
Suno kay Lacson, indi na bag-o ang kaso sang dengue sa kada tuig kag ang naga panguna nga pamaagi nga matapna ini amo ang matinlo nga palibot.