Kaso sang dengue sa Western Visayas ang nagahamboy sa isa ka libo sa pagtakop sang bulan sang Pebrero.
Sa datus sang Regional Epidemiology and Surveillance Unit ukon RESU Morbidity Week 7 nga naga sakop sang February 12-18, may 90 ka newly-reported Dengue cases sa Western Visayas. 847 na humalin Enero ang dengue cases. 184 percent ini nga mas mataas kun ipaanggid sa 298 cases sa amo nga tion sang 2022.
Ang Negros Occidental ang may pinaka mataas bahin sa newly reported cases – 23.
Naga sunod naman ang Iloilo Province nga may 17new cases kag Aklan nga may 11 new cases.
Wala naman sang may na report bag-o nga dengue fatality as of February 18. Ang kabilugan nga dengue death count nagapabilin sa pito.
May 20 naman ka mga barangay sa Western Visayas nga may clustering sang Dengue cases ukon may na report nga tatlo ukon sobra pa nga dengue cases sa sulod sang nagligad nga apat ka semana.