Sa ikatlo nga semana sang Hunyo, nagdangat sa 4,000 ang kaso sang dengue sa Western Visayas.
Sa June 16 to 22 nga semana may 360 ka bag-o nga kaso sang dengue sa Western Visayas.
Sa mga bag-o na report nga kaso sang dengue ang Iloilo Province ang may pinaka madamo – 115 new cases. Naga sunod ang Negros Occidental Province nga may 58 new cases kag Aklan Province – 53 new cases.May isa naman ka napatay bangud sang dengue sa Antique sang Hunyo 22. Sa kabilugan nag lab-ot na sa napulo ang Dengue Death Count.
Suno sa report sang Western Visayas Center For Health Development as of June 22, may 4,030 ka dengue cases sa rehiyon. 25% ini nga mas mataas kun ipaanggid sa kasubong nga tion sang 2023 nga may 3,213 cases.
Samtang ang probinsya sang Negros Occidental ang may 638 ka dengue cases sa kabilugan, tatlo naman ang dengue deaths.
Ang Bacolod City ang may 164 dengue cases sa kabilugan kag zero dengue deaths.