Kadamuon sang dengue cases sa Western Visayas ang nagsaka sa 10 percent kun ipaanggid sa 2023.
Sa datus nga gin-release sang Department of Health Western Visayas, humalin sang Enero tubtob Abril 13, may 2,220 ka dengue cases sa rehiyon, tatlo naman ang dengue deaths. Sang 2023, sa kasubong nga tion may 2,018 ka dengue cases ang na-record.
41 percent naman sa dengue cases subong ang yara sa 1 to 10 years old nga age group suno sa DOH.
Sa April 7 to 13 nga semana, 96 ang new cases nga na-record.
Ang Negros Occidental ang may 308 cases humalin sang Enero kag zero deaths. Ang Bacolod City naman may 61 ka total cases kag zero deaths man.
Padayon ang pahanumdom sang DOH sa publiko nga ipabilin nga matinlo ang palibot agud malikawan ang balatian nga dala sang lamok.