Dengue cases sa Western Visayas ang padayon nga naga saka. Nagdangat na ini sa masobra sa 12,000 cases ukon 142 percent nga mas mataas kun ipaangid sa datus sang 2023.
Sa briefing kaina sang aga, ginsiling sang Department of Health Western Visayas Center for Health and Development nga humalin sang Enero tubtob Agosto 10 sini nga tuig, may 12,198 ka kaso sang dengue.
24 naman ang dengue related deaths nga gin-report kun sa diin apat diri ang bag-o nga report nga mga kaso.
Pinaka madamo nga apektado sang dengue ang yara sa 11 to 20 years old nga age group.
Ang Negros Occidental may 1,871 ka dengue cases nga gin-report kag anum diri ang dengure related deaths.
Ang Bacolod City naman may 451 dengue cases sa amo nga report kag isa ka dengue related death.
Pero sa ulihi nga August 10 nga datus nga gin-release sang Bacolod City Health Office, 602 ang dengue cases sang Bacolod kag tatlo ang probable dengue deaths.
Ang pinaka ulihi nga gin-report probable dengue death ang kaso sang isa ka onse anyos nga bata nga babaye nga napatay sadtong Agosto 9.