Record high sa karon ang dengue cases sa Western Visayas nga nag lab-ot na sa 5,000 mark.
Sa datus sang Department of Health, 31 naman ang na record nga napatay bangud sang dengue sa rehiyon. Ini sa gin pa gwa nga report humalin Enero tubtob Hulyo 2 ukon ang panugod sang third quarter.
Sa June 26 to July 2 nga datus, 574 ang bag-o na report nga dengue cases kag sa kabilugan, 5,057 na ang dengue cases.
Ang Negros Occidental ang naga panguna nga may 185 new cases, naga sunod naman ang Antique nga may 178 kag Iloilo Province nga may 114 cases.
21 naman ang new cases sang Bacolod city.
Sa amo nga period, pito ang bag-o na report nga dengue related deaths.