Kaso sang dengue sa Western Visayas ang nagdangat na masobra sa 15,000. Nagsaka naman sa 31 ang recorded dengue related deaths.
As of August 17, humalin sang bulan sang Enero, may 15,688 ka dengue cases sa bilog nga Western Visayas sa report sang Center for Health Development – Western Visayas. Sa 33rd morbidity week 3,490 ang na-record bag-o nga dengue cases.
Kun ipaanggid sa datus sang 2023, 199 percent nga mas mataas ang kaso sang dengue subong nga 2024.
Kadam-an sa gin-report nga kaso sang dengue suno sa CHD – Western Visayas, nag apekto sa 11 to 20 years old ukon 34.2 percent sa kabilugan nga kaso. Naga sunod naman ang yara sa 1 to 10 years old nga age group ukon 32 percent.
Pinaka madamo nga recorded dengue cases ang Iloilo Province – 6,069 kag nagasunod naman ang Negros Occidental nga may 2,418.
Wala untat ang panawagan sang DOH nga mag paninlo sa palibot agudto malikawan ang paglapta sang masakit nga dengue. Sa mga nakitaan naman sang sintoma naga abiso ang DOH nga indi magpabaya kag mag pakonsulta.