Ginapaabot nga magdangat sa 10,000 mark ang dengue cases sa Western Visayas.
Apat naman ang gin-report bag-o nga dengue deaths sa rehiyon.
Sa morbidity week 31, ukon sa July 31 to August 6, 2022 nga report, 651 ang bag-o nga dengue cases nga na report.
Humalin Enero, naglab-ot na sa 9,533 ang dengue cases nga na report sa rehiyon, ukon 572 percent nga mas mataas kun ipa anggid sa kasubong nga tion sang 2021.
Ang Negros Occidental ang may pinaka madamo nga new dengue cases – 235 cases.
Nagasunod naman ang Iloilo Province nga may 124 new cases kag Antique – 79 cases.
Ang apat ka new dengue reported deaths ang gikan sa Iloilo Province kag Negros Occidental – tig duha.
Sa kabilugan, 16 ang dengue related deaths sang Negros.
Ang Guimaras ang naga isahanon nga probinsya sa rehiyon, nga wala ukon zero ang dengue-related deaths.
Samtang, 56 ang new cases sang Bacolod City. 8 naman ang total deaths.
Padayon ang kampany sang tagsa ka LGU para mapamatukan ang dengue.