Kaso sang dengue sa Negros Occidental ang nagsaka sa 56 percent.
Sa datus sang DOH Western Visayas, humalin January 1 tubtob April 16, 2022, 238 ang na record nga kaso sang dengue sa Negros Occidental.
56 percent nga mas mataas ini kun ipaangid sa kasubong nga tion sang nagligad nga 2021.
Duha naman ang na report na patay bangud sang dengue sa 2022.
Humalin April 10 tubtob 16 naman, 17 ang bag o nga kaso sang dengue sa probinsya.
Ang Negros Occidental ang may pinaka mataas nga kaso nga na report sa Region 6 sa amo nga tion.
Naga sunod naman ang Iloilo province nga may 12 cases kag Antique 7 cases.
Samtang, 11 percent naman ang gin saka sa dengue cases sa Bacolod kun ipaanggid sa 2021, duha ang gin report napatay subong nga 2022.
Wala naman sang new cases nga na record sa April 10 to 16 nga report.
Naga paandam naman ang Provincial Health Office sa mga pumuluyo.
Suno kay dr ernell tumimbang dapat nga mangin mabinantayon labi na nga amg sintoma sang dengue kasubong sang paghilanat kag pag palanakit sa lawas, ang pareho man sa iban nga viral nga masakit.
Indi pagkalipatan nga sa tanan mga tion dapat mangin matinlo sa palibot.