421 percent ang saka sa kaso sang dengue sa probinsya sang Negros Occidental.
Samtang, “Alas Kwatro kontra Mosquito” ang ginpatuman man sang probinsya agudto mapamatukan ang pagsaka sang balatian dala sang lamok.
As of February 22, may 1,012 ka dengue cases ang Negros Occidental.
Sa kasubong nga tion sang 2024, 421.65 percent ini nga nagsaka. Nagapabilin naman sa anum ang dengue related deaths.
Suno sa Provincial Health Office, 11 to 20 years old ang age group nga labing apektado sang dengue.
Siudad sang Bago ang nagapabilin man nga may pinaka madamo nga dengue cases sa probinsya – 209. nagasunod ang La Carlota City – 74 dengue cases kag ikatlo naman ang Kabankalan City nga may 70 dengue cases.
Ang PHO kadungan sa launching sang Lunes sang kampanya sang Department of Health kontra dengue ang nag libot sa mga talatapan sang gobyerno probinsyal sa pag pasiguro nga wala sang may naga pondo nga tubig.
Ila gin check ang mga gutter, mga daan nga goma, mga container, mga botelya kag iban pa nga pwede magserbe nga breeding ground sang lamok.
Ila gintutukan ang pag guba sang mga breeding sites sang lamok nga amo ang nagadala sang balatian.
Damlag pa ginsiling ni DOH Undersecretary Mary Ann Maestral nga ang Iloilo kag Negros Occidental provinces ang pila sa mga probinsya sa Visayas nga may madasig nga pagsaka sang dengue cases.