Temporaryo nga na untat ang demolition sang Provincial Administration Center sang Negros Occidental sa North Capitol Road sa Bacolod City.
Suno kay Provincial Administrator Atty. Rayfrando Diaz gin-untat anay ang demolition pending sang compliance sa requirements sang Commission on Audit.
Ginsugdan ang pag guba sang building sadtong March 2019 sa tion pa ni anay Governor Alfredo Maranon, Jr.
Tinutuyo ang pagtukod sang bag-o nga Provincial Administration Center sa amo nga lugar.
Naga balor ang proyekto sang masobra sa 898 million pesos.
Ini ang sa idalom sang design and build scheme kag naka kontrata sa E.M. Cuerpo Inc., Dynamic Builders. Nalakip sa kontrata ang kumpleto nga generator set kag furniture.
Suno kay Diaz, naga hinyo ang coa sang mga dokumento nga naga pakita nga kinahanglan ang pagpatuman sang demolition.
Ginsiling ni Diaz nga guba na ang amo nga building kag ang kahimtangan maga santo sa mga rekisitos sang COA.