Antes pa man iga-demolish sang SM Prime Holdings Incorporated ang Manokan Country sa madason nga tuig, suguran sang City Legal Office Enforcement Unit ang pag demolish sang mga illegal structures nalakip diri mga hayob-hayob kag mga baligyaan sa kaiping nga Vendor’s Plaza.
Ang Vendor’s Plaza kabahin sang 3-hectare property sa reclamation area nga nalakip iga-develop sang SMPHI sa natukod nga public private partnership upod sa Bacolod City LGU.
Sandig sa kasugtanan sa tunga sang siudad kag SMPHI, tagaan sang higayon nga makapadayon sa pagbaligya indi lang ang mga lehitimo nga tenants sang Manokan Country kundi pati man ang mga flower shop sa likod sang Bays Center nga sakop sang 40 year lease agreement.
Sa Enero suguran sang SMPHI ang construction sang kapin P3.5B development project sa reclamation area.