Kabahin sa mga nagahulat sa mga maga bisita sa MassKara sa Panaad mga experiental activities kasubong sang demo and skills training.
Suno kay Provincial Tourism Office, Cheryl Decena, na plastar na ang tanan para sa kahiwatan nga maga sugod sa Lunes kag maga lawig sa bilog nga semana.
Ang matabo kasubong sang nagliligad nga Panaad sa Negros Festival kun sa diin masaksihan ang mga Festival kag cultural dances, kag sarang matliawan ang mga pagkaon kag produkto sang nagkalain lain nga mga banwa.
Naka schedule late afternoon ang programa para sa luyag nga magsaksi sang talento kag sining mga festival dances kag iban pa nga entertainment.
Tagsa ka congressional district ang na assign nga mangin in-charge sang programa sa kada adlaw.
Suno kay Decena, may naka schedule man sila nga mga group of visitors sa kada adlaw.
Halos tanan naman nga LGU booth ang gina paabot maga pakigbahin sa MassKara sa Panaad.