Daku ang deficit ukon kakulang sa supply sang kape kontra sa konsumo sini sa Negros Occidental gani daku pa ang potential sang amo nga industriya.
Ginsiling ni Dina Genzola, ang OIC-Provincial Agriculturist sang Negros Occidental sa pagbukas sang tatlo ka adlaw nga Negros Coffee Fiesta sa Ayala Malls nga 650 metric tons lamang ang total production sang Negros Occidental sa kape.
4,070 tons ang gina konsumo, gani may 84 percent nga deficit sa supply ukon 3,420 metric tons nga kakulang.
Suno kay Genzola daku ang potential sa coffee industry gani padayon sila nga naga haylo sa mga mangunguma nga mga shift sa kape.
Ang La Castellana ang naga panguna sa coffee producton.
62.23 metric tons ang ila tigayon nga ma produce.
Pero sa paglupok sang bulkan Kanlaon indi ma negar nga apektado ang ila nga production.
Sa pinaka una nga Negros Occidental Coffee Fiesta gina duso ang suporta para sa local coffee industry.
Si Rogelio Claridad nga coffee farmer gikan sa Murcia ang nagapasalamat sa amo nga higayon bangud nahatagan sang dugang nga exposure ang ila nga produkto wala labot sang suporta nga gina hatag sa ila sang gobyerno probinsyal.
Mga coffee farming innovation kag biodiversity protection ang napatpat man sa amo nga pagtililipon.
May exhibit man kag kumpetisyon bilang showcase sang coffee products.
Ang Negros Occidental Coffee Council upod sa Mailum Organic Village Association, Department of Trade and Industry kag gobyerno probinsyal ang nagsakdag sang event.