Demand sa baboy gikan sa isla sang Panay ang naga tuga sang pagsaka sang presyo sang baboy sa Negros Occidental.
Sa weekly monitoring sang Office of the Provincial Veterinarian, 287 pesos ang average price sang kada kilo sang baboy sa probinsya.
Pinaka mataas ang yara sa 315 pesos ang kilo kag ini ang makit-an sa Talisay, La Carlota kag Bago.
Pinaka barato naman ang yara sa Sipalay kag La Castellana nga yara sa 250 pesos ang kilo.
Pero suno sa pila ka mga bumalakal sa Bacolod ang kilo sang baboy nagadalagan sa 340 pesos.
Paathag ni Dr Ryan Janoya ang OIC sa karon, nagasaka ang presyo sang baboy bangud man sang demand nga gikan sa mga manugbakal sa Panay.
Wala sang kakulang sa supply suno sa iya.
Ugaling, ang mga raisers sa probinsya bangud sang competitive nga presyo sang buyers gikan sa Panay ang naga baligya sang baboy sa ila nga naga apekto sang presyo sang baboy sa probinsya.