Ginapaabot nga bwas na, Martes, ang deliberation sang Regional Tripartite Wages ang Productivity Board para sa bag-o nga wage increase sa Region 6.
Suno kay Director Sixto Rodriguez, Jr., sang Department of Labor and Employment 6, ang kantidad sang wage increase ang paga pat-uron pa bwas pero indi ini mangin malayo sa gin-aprobahan man sang RTWPB Region 7.
Damlag pa 33 pesos hasta 43 pesos nga wage increase kada adlaw ang gin-abprobahan sang Region 7.
Yara karon sa 480 pesos ang minimum wage sang Rehiyon 6.
“We are being madated to act immediately, we might as well decide tomorrow. But the effectivity date will not be before Nov 16, it might be after Nov 16 or the day itself”, suno kay Rodriguez.
Samtang, nagpatigayon man sang hearing para sa saka sa sweldo sang mga kasambahaya sa rehiyon.
Suno kay Rodriguez ang Region 6 ang ika duha sa rehiyon nga may pinaka manubo nga kasambahay wage – 5,000 pesos.
Wala sang petition sa Region 6 para sa saka sa kasambahay wage gani ang ang desisyon sa board sa pagpatuman sang hearing para sa saka moto proprio na.
Samtang, sa karon suno kay Rodriguez nagapabilin pa sa idalom sang RTWPB 6 ang Negros Occidental tubtob nga wala pa sang may naporma nga RTWPB Negros Island Region.