May mga reklamo gid man angut sa delay sa releasing sang sweldo sang mga naga trabaho bilang job order kag sa idalom sang contract of service sa gobyerno probinsyal.
Ini suno kay Atty Rayfrando Diaz, provincial administrator nga nag paathag nga ila ginatinguhaan sa karon nga sa mas madali nga panahon ma release na ang sweldo sang mga natungdan.
Sini nga adlaw may nalagdaan na nga mga cheke para sa Marso kag Abril nga sweldo. Gina tinguhaan nga sa Hunyo ma release na ang sweldo para sa mayo. Isa ka systemic reform ang gina patuman karon sang probinsya.
Gikan sa sadto anay voucher lang, karon napaidalom na sa payrol ang mga sa idalom sang job order kag contract of service. Padayon man ang pag pa enrol sa atm para sa ila sini nga mga sweldo.
Malawig ang proseso sa bilog nga sistema, dugang pa nga may mga datus pa nga kinahanglang nga isanto.
Suno kay Renelo Lastierre ang presidente sang Progressive Alliance of Captiol Employees may 600 ka mga job order kag 300 ka contract of service. Mga 95 sa sweldo sang mga job order ang may pay roll na kag mga 80 porsiento naman sa contract of service.